හිත තවම අගුලු ලාගෙන මම..

Clicked by Shamen Walker

නුබ ඇවිත් ආපසු නොගිය
හිත තවම අගුලු ලාගෙන මම..

ගිනියම් ඉරත් මමත් අතරට
පැමිණි සඳ සෙනෙහෙ පිණි ඉසිනට
දෝතින් වැළඳ ගත් හනිකට
ලෝබ කම මගේ උතුරන..

නැවතුම් පොළක් නොවන බව
දැන දැනත් තෙමුනෙමි - මහා වැස්සක
අකුණු සැර සුසුමක
වැළඳ නික්මෙන - අහිංසක කඳුළු කැට

නුබ ඇවිත් ආපසු නොගිය
හිත තවම අගුලු ලාගෙන මම..

දළඹු කෙල්ල

පියඹන්නට තටු එනකං පෙරුම් පුරන් බලන් ඉන්න
කොලේ පුරා පෙම් කවියක් ලියාපු ඒ දළඹු කෙල්ල
හීන මව මවා හිටියට රාජ කුමාරයෙක් ගන්න
තාමත් ඌ ගෙඹි කොල්ලෙකි සාපය බෑ මකාලන්න..